امریکہ نے بڑا اعلان کردیا ، حیرت انگیز خبر

واشنگٹن:(نیٹ نیوز/میڈیا92نیوز) امریکہ نے خلا فورس بنانے کا اعلان کردیا.
امریکی نائب صدرمائیک پینس کا کہنا ہے کہ نئے میدان جنگ کے لیے خلائی فورس کے قیام کا وقت آگیا ہے جو 2020 تک مکمل ہوجائے گا۔
غیرملکی نشریاتی ادارے کے مطابق امریکا کے نائب صدرمائیک پینس نے وزارت دفاع میں تقریرکرتے ہوئے کہا کہ وقت آگیا ہے کہ اپنی مسلح افواج کی تاریخ میں ایک اورعظیم باب کا آغازکرتے ہوئے خلائی فورس کو قیام میں لایا جائے جس سے نئی نسل کے خطرات کو شکست دی جائے۔
امریکی نائب صدرنے ڈونلڈ ٹرمپ کے 2 ماہ قبل کیے جانے والے مطالبے کو دہراتے ہوئے کانگریس سے استدعا کی اگلے 5 سال میں امریکی خلائی سکیورٹی نظام میں مزید 8 بلین ڈالرکی سرمایہ کاری کی جائے جب کہ منصوبے کے تحت ایسا نظام تیارکیا جائے گا جوجام نہ کیا جا سکے۔
واضح رہے کہ 2 ماہ قبل دنیا پرغلبے کے جنون کے پیش نظرامریکی صدرٹرمپ نے خلائی فورس کی تشکیل کا حکم دے تھا۔ ٹرمپ نے مزید کہا تھا کہ خلا میں بھی قیادت کریں گے کسی اورکی قیادت منظورنہیں، خلا میں چین اورروس کی سبقت ناقابل برداشت ہے، چین اورروس سے پہلے ہم خلا میں موجود ہوں گے۔

اس خبر پر اپنی رائے کا اظہار کریں

اپنا تبصرہ بھیجیں